الرئيسية > كتابات, طرائف > حوار الطرشان

حوار الطرشان

17 نوفمبر 2010 أضف تعليق Go to comments

حوار بين اثنين سمعهم ثقيل :

اثنين سمعهم ثقيل جداً واقفين على محطة الاتوبيس ودار بينهم الحوار ده

الأول : الأتوبيس ده بيروح مــصر الجديدة؟

الثاني : على الحديدة !!… ليه انت طالب احسان ؟

الأول : بذرة الكتان !! لا ..دي تلاقيها عند العطار

الثاني : جزار !! اه ..قوللي كده .. عايز تشتري لحمة

الأول : معك حق .. الدنيا زحمة .. علشان ده ميعاد خروج الموظفين

الثاني : نور الدين !! لا والله .. ماعرفوهش

الأول : ما بتشربوش !! ليه .. كفا الله الشر

الثاني : رأس البر !!! .. ده مــصيف هادي

الأول .: عايز تركب للمعادي … دي منطقة جميلة

الثاني : بليلة !! انت شكلك كده جعان

الأول : عيان !!! أي والله . انت باين عليك عيان ..طيب ما تروح للدكتور

الثاني: الحنطور !! ده أحسن من الأتوبيس ، وبيوصلني لحد الباب

الأول : هبــــاب !!! وأنا اللي كنت فاكرك محترم

الثاني : اتخـرم !! هو مين ؟؟

الأول : عاوز اسـبرين ! ليه انت عندك صداع ؟

الثاني : قراع !!! يا نهار أسود . ده مرض خطير

الأول : فطير !!! لا والله مش عايز. وبعدين مش باحب الفطير. تقيل على المعدة وتمنه غالي

الثاني: خالي !!! انت تعرف خالي ؟ ده راجل كبير في السن

الأول : الجن !!! نهارك مش فايت ..انت عليك عفريت .!؟

الثاني : كبريت ؟! لا والله .. ممعاييش .. انت عايز الكبريت ليه ؟ عايز تولع؟

الأول : أدلع !!! أدلع عليك انت!؟ انت ما تملاش عنيا

الثاني : يقبضوا عليا !! ليه !؟

الأول : انت غريب يا راجل انت .. شكلك شحات ، ( يدفعه من القميص) روح اشتغل شغلة تاكل منها عيش

الثاني : خيش !!! والله ده صوف انجليزي

الأول: بنتك زيزي !!! ربنا يخلي…

الثاني : أنتاج محلي !!!! ده مستورد

يمر شاويش … يلفت انتباهه الحوار … بتعمل ايه يا جدع منك له!!!

الاتنين: أيوة يا شاويش …احنا مستنين الأتوبيس

الشاويش :جواسيس !!!! نهاركم مش فايت ….قدامي على القسم .

Advertisements
التصنيفات :كتابات, طرائف
  1. لا توجد تعليقات حتى الأن.
  1. No trackbacks yet.

أضف تعليق

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s