أرشيف

Archive for the ‘تسالي’ Category

مليون سبب لفشل الطب في مصر

2 مارس 2012 أضف تعليق

هناك مليون سبب لفشل الطب في مصر :

السبب الاول:
العيان: انا جسمي مكسر.. و قلبي بيدق.. و مصدع ..و تشنجات ..و ضغطي واطي دايما ..و بطني وجعاني من الدوا …و مش عارف مالي …
الدكتور : ……!!!!
… … العيان : عايز اعمل تحاليل …و اركب محلول
طبعا باقي القصة معروف….صورة الدم بتبين هبوط حاد في حمص الشام… فالدكتور يضطر يضيفه عالمحلول…
و كل حمص الشام وانتم طيبين

السبب التاني:
الصيدلية الجهنمية و الصيدلي العبقري ……………..

العيّان في العادي الطبيعي الغالب ..بيروح الصيدلية يقيس الضغط ..طبعا لنظرية منحبش نقلق العيان… الضغط بيطلع مظبوط دايما … 120 علي 80 للأبد .. العيان اللي بيشتكي من الضغط من 30 سنة يمشي مبسوط …و بالليل يقوم غالبا علي كرشة نفس و صدره يبقلل…
ويجيلي انا … ضغطه 220 علي 120
-يا حاج مالك…. ؟؟؟؟ ما بتاخدش الدوا …..؟؟؟
-أ…. أنا ر…. رحت قست ال…. الضغط كان مظبوط
-مظبوط ازاي بس ؟؟؟ انت ضغطك في السما .. انت بتاخد دوا ايه اصلا
-أ….. أنا بطلت أخد دوا زي ما ال…. الصيدلي قاللي … قاللي خل….خلاص انت خفيت

نداء الي كل العاملين بالصيدليات .. إذا أردت قتل العيان نرجو فعل هذا مباشرة و مش لازم
يعدّي عليا في الرعاية الأول ما دام كده كده ميت….!!!!

السبب الثالث : وزارة الكحّة

تسيء وزارة الكحّة تعريف الطبيب المصري دائما .. فالطبيب المصري في نظر الوزارة ..كائن لا فقاري تكافلي لا يحتاج الي المال أو الغذاء … يتعايش في أي ظروف بيئية و تحت
أي درجة حرارة … تظهر عليه خيوط المغزل…. و ينقسم ميتوزيا بعد أن ييأس من الزواج….
كما أن الوزارة تلمّح دائما بزيادة المرتبات…. و كأن هذا حلم بعيد المنال…. بدعوي أنها وزارة
استهلاكية و ليست انتاجية … هذا ببساطة يلخّص نظرة الدولة الي صحة الانسان المصري بأنه لا يستحق الحياة أصلا و ليذهب الطب و كفاءة الأطباء إلي الجحيم ……
المهم تمضي حضور و انصراف عشان التفتيش الأبدي …

السبب الرابع : التمريض ( و حط علامة استفهام و تعجب و قوسين و نقطة و فصلة و كل حاجه )

الكلام هنا مش عن كل التمريض و انما عن فئات معينة منهم … هناك من التمريض من أوتي
مفاتيح العلم و أتي بما لم يأت به الأوائل .. كما أنه يمتلك قدرة الجدل التي تميز بها
فرعون مصر و كبرياء أبو لهب 😦 أنا مش غلطانة ….. الدكتور هو اللي ما بيفهمش )
مواعيد العلاج حاجة بالتقريب… و الجرعات بالويم و الضغط علي ما تفرج …
مرة حجزت عيان …و قلت للتمريض عايزين نعمله رسم قلب و تحاليل و هنسنتره و نحطه علي المونيتور …نزلت الاستقبال و طلعت لقيت التمريض أقنع أهل العيان إنه يخرج حسب الطلب… عشان يموت في بيتهم احسن ….
و البقية في حياتكم….!!!!!

Advertisements

مراحل كلية الطب

17 فبراير 2012 أضف تعليق
التصنيفات :تسالي, صور

دكتورين فى كليه الطب

17 فبراير 2012 أضف تعليق

دكتورين فى كليه طب :

الأول بيقول للثاني :

• امبارح وأنا بصحح أوراق الامتحان حصلى موقف غريب جدا !

• خير انشالله ..

• تصور صححت ورقة امتحان طالب أخذ 74 من 100

• أوووف طالب عندك بيوخذ 74 والله غريبة فعلاً

• بس أنا ماسكتش على الموضوع طبعاً

• عملت ايه ؟!

• رجعت صححت الورقة مرة ثانية و شددت التصحيح جدا
نزلت العلامة لـ 64 درجة

• أووووف .. بعد التشديد وأخذ 64 والله مصيبة

• بس هييييه على مين .. رجعت وصححت مرة ثالثة وشددت اووووى
اوووووى .. عصرت العلامات كثير طلعت علامتو 52 .. تصوّر !

• طالب عندك بياخذ بالامتحان 52 .. مستحيل !

• أنا كمان ما اقتنعتش .. قلت أفتح أشوف اسم الطالب
العبقرى ده

• طلع مين ؟

• تصوّر .. طلعت نموذج الاجابة

التصنيفات :تسالي

إلى الحرية أيها المجاهدون المناضلون

25 يناير 2012 أضف تعليق
التصنيفات :تسالي, سياسة, صور

محتار يخاف ولا يضحك

17 ديسمبر 2011 أضف تعليق
التصنيفات :فيديو, تسالي

أكثر الأشياء جمالاً .. لا تحتاج مالاً

16 ديسمبر 2011 أضف تعليق
التصنيفات :تسالي, صور

نصائح هامة جدا .. فن راقي وهادف

16 ديسمبر 2011 أضف تعليق
التصنيفات :فيديو, تسالي